Tuturan Hujung Minggu

Kopisambat poh tokou wagu....

Waro iso ot tuturanon ku kumaa sid tokou kiawi. Ti tuturan ku diti okoniko waro ot niat untuk dot poimbulai dot kelemahan dot iso om iso, nga ino e obuli dot jodion dot ponontudukan terutama noh kumaa dit sid tongo tidi/tama dit waro ot tanganak dit songisisikul.
Ti tuturan ku diti okoniko dogo kondiri dot pengalaman nga pengalaman di tobpenea ku dot gulu. Iso minsosodoi yalo diti ginumuli wagu sid sikul untuk dot maya dot aktiviti kokorikulum. It wayaan nopo dagai diti kumaa sid sikul nga kawaya noh dot kawalaian sebelum korikot id sikul. Om salah satu dit walai dot otoliban dagai nga walai dot classmate ku.
Koontok nopo it tobpanea ku dit walai dit classmate ku diti, kebetulan nakasamung yalo dot tulun sid kampung diti om miningkoyod it tobpanea ku tu minokisorita toruhai it tulun di kampung. It walai di classmate ku diti nga landu osomok nopo dit wayaan, orongou e ong waro ot misorit id suang di walai.
Norongou noh dit tobpanea ku ot kuroos dit tidi dit classmate ku dot mongiloowu dit classmateku. "O... Uku nunukah ot gamaan nu?" kah dit norongou dit tobpanea ku. Om simbar nopo it classmate ku "Mambaca boh iti dot buuk" kah dialo. Lan babanar koh tongo ti classmate ku mambaca dot buuk. Simbar wagu it tidi dit classmate ku, "Titingkadai poh keano oi uku, aso e ot kaduon dino, ongoi poh siti koruangai okoi poh dot mipakou(main daun turup) amu osukup ot koruang mipakou" kah dit tidi dit classmate ku.
Itino ot cerita ku bano, iti nopo sorita ku diti nga babanar ko berlaku. Jadi itokou noh ot koilo momikir dot hala tuju dit tongo tanganak tokou. Okoniko waro maksud ku dot cuma menuding jari cuma kumaa sid tongo tidi-tama nga kumaa sid tongo komulakan kiawi tu itokou diti nga bakal-bakal e dot kajadi dot tidi-tama. Kopowosian

Jovilis